ЖССМнинг профессор-ўқитувчилари
Тиббиёт фанлари доктори, профессор Маматқулов Бахромжон Маматқулович. Тиббиёт фанлари доктори, профессор. Фарғона вилояти Бешариқ туманида таваллуд топган. Жамоат соғлиғини сақлаш мактаби асосчиси. У 2006 йил мактаб очилгандан ҳозирги кунгача ЖССМ профессори лавозимида ишлаб келмоқда. Маматкулов Бахромжон Тошкент давлат тиббиёт институтининг Санитария-гигиена факультетини 1972 йилда тугаллаган.
1972 йилдан-1990йилгача Тошкент давлат тиббиёт институтининг «Ижтимоий гигиена ва соғлиқни сақлашни ташкил этиш» кафедрасида стажёр-тадқиқотчи, ассистент ва доцент лавозимларида ишлаган. 1982 йили номзодлик, 1997йили докторлик диссертациясини ҳимоя қилди. 1990-1992 йилларда Тошкент шаҳар соғлиқни сақлаш бош бошқармаси бошлиғи муовини, 1992-2000 йилларда Иккинчи Тошкент давлат тиббиёт институти Фарғона филиалининг декани, «Ижтимоий гигиена ва соғлиқни сақлашни ташкил этиш» кафедраси мудири лавозимларида ишлаган. 2001-2006йилларда Иккинчи Тошкент давлат тиббиёт институти, кейинчалик Тошкент тиббиёт академияси Жамоат саломатлиги, соғлиқни сақлашни ташкил этиш ва бошқариш кафедраси кафедра мудири, 2005-2008 йилларда Тошкент тиббиёт академияси Магистратура бўлими бошлиғи лавозимларида ишлаган. 2006 йил мактаб очилгандан ҳозирги кунгача ЖССМ профессори лавозимида ишлаб келмоқда.
Б.М.Маматқулов томонидан 10 нафар тиббиёт фанлари номзодлари, 50 дан ортиқ соғлиқни сақлашни бошқариш, жамоат саломатлиги ҳамда олий ҳамширалик иши мутахассислиги бўйича магистрлар тайёрланган. Ҳозирда унинг раҳбарлигида 3та докторлик диссертациялари тайёрланмоқда. Сўнгги йилларда профессор Б.М.Маматқулов томонидан 5 та дарслик, 7 та ўқув қўлланмалар, 4 та монография, 35та ўқув услубий қўлланма, 200дан ортиқ илмий мақолалар чоп этилган , ушбу мақолаларнинг 30 дан ортиғи нуфузли чет эл журналларида чоп этилган.
Уразалиева Ильмира Равкатовна 08.09.1981 йили Янгиер шахрида туғилган. 1999 йили Тошкент вилояти Олмалиқ шаҳри тиббиёт коллежини тугатган. 1999-2000 йилигача Сирдарё вилояти Сардоба тумани марказий касалхонасида реанимация ва анестизиология бўлимида навбатчи ҳамшира лавозимида ишлаган. 2003 йили I Тошкент Давлат Тиббиёт Институтида Олий ҳамширалик иши факультетини тамомлаган. 2003-2005 йили I Тошкент Давлат Тиббиёт Институти Соғлиқни сақлашда маркетинг ва менежмент кафедрасида ассистент лавозимида ишлаган. 2005-2007 йили Тошкент Тиббиёт Академияси Жамот тиббиёти ва соғлиқни сақлаш тизимини бошқариш магистратура мутахассислигини тугатди. 2007 йилдан Жамоат соғлиғини сақлаш мактаби доцент (PhD) лавозимида ишлаб келмоқда.
Ҳозирги кунда “Научное обоснование профессиональных и организационных форм деятельности медицинских сестер общей практики в семейных поликлиниках” мавзусида докторлик диссертацияси устида илмий иш олиб бормоқда. Шунингдек, 10 та илмий мақола тайёрланиб, шундан 2 таси яқин хорижда нашр этилган.
Касимова Дилфуза Абраровна
2008 йилдан бери шу мактабда фаолият кўрсатиб келмокда. Доцент Д.А.Касимованинг умумий иш давомийлиги 30 йил, шу жумладан, мазкуp ўқув юpтидаги педагогик иш стажи 20 йил. Д.А.Касимова доцент, т.ф.н. илмий – педагогик фаолияти давомида талаба-магистрлар орасида умумметодологик фанлардан “Илмий тадқиқот методологияси”, “Тиббий ёрдам сифатини ошириш асослари”, “Соғлиқни сақлаш менежменти ва иқтисодиёти”, “Махсус фанларни ўқитиш услубиёти” фанларидан академия магистр-талабалари орасида амалий машғулотлар, “Соғлиқни сақлаш менежменти ва иқтисодиёти” фанидан улар учун 1та дарслик, 7 та ўқув-услубий қўлланмалар, “Тиббий ёрдам сифатини ошириш асослари” фанидан ўқув қўлланма 2 та “Общественное здоровье и управление здравоохранением” фанидан учебное пособие тайёрлаган ва маърузалар олиб боради. 180 та илмий маколалар 1 та монография тайёрлаган. 5А510115 – «Соғлиқни сақлашни бошқариш ва жамоат саломатлиги” мутахассислиги бўйича 7 йил дастур директори ва модератори, илмий тадқиқот ишларини фаол олиб бориши билан бир қаторда, ҳар йили кўплаб мақолалар ва тезислар чоп этган, 25дан ортиқ талаба-магистрларнинг илмий ишларига раҳбарлик қилиб келади.
Адилова Зилолахон Ульмасовна 1973 йилда Тошкент шахрида туғилган.
1990-1992 йилларда 1- Тошкент Давлат тиббиёт институтининг Тиббий биофизика кафедрасида лаборант лавозимида ишлаган. 1994 йилдан 1996 йилгача 2-Тошкент тиббиёт билим юртида сиртқи бўлимида ўқиган. 1996 йилдан 2001 йилгача Учтепа туманидаги “Она ва бола” марказида ҳамшира лавозимида ишлаган.
2001 йилда 2- Тошкент Давлат тиббиёт институтининг “Олий ҳамширалик иши” факультетида таҳсил олган. 2004 йил битириб “Жамоат тиббиёти ва соғлиқни сақлаш тизимини бошқариш” мутахассислиги бўйича магистратурага ўқишга қабул қилинган. 2006 йилда ушбу мутахассилик бўйича Тошкент тиббиёт академиясини битириб, шу ерда Жамоат соғлиғини сақлаш мактабига асситент лавозимига ишга қабул қилинган ва хозиргача ишлаб келмоқда.
Ҳозирги кунда 4 та илмий мақола ва 10 та тезис тайёрлаб нашр этилган. “Социологическое исследование образа жизни медицинского персонала” номли илмий тадқиқот устида ишлаяпти. Олий маълумотли ҳамширалар факультети талабалари учун «Илмий текшириш ишларини амалиётда кўллаш» (Далилларга асосланган тиббиёт) дарслиги Информацион портал ZiyoNET (“17”12 2012 г.) да чиқарилган ва дарслик чоп этишга берилган.
Тўраев Баҳодир шерали ўғли 1992 йилда Қашқадарё вилояти Шаҳрисабз туманида туғилган. 2010-2016 йилларда Тошкент тиббиёт академияси тиббий-профилактика иши йўналишида таълим олган. У 2015-2016 йилларда Вирусология илмий-текшириш институти Табиий ўчоқли ўта хавфли вирусли инфекциялар лабораториясида лаборант лавозимида ишлаган. 2016 йилнинг июн-август ойларида Шаҳрисабз тумани ДСЭНМ болалар ва ўсмирлар гигиенаси бўлинмасида санитар-врач лавозимида ишлаган. 2016-2018 йилларда Тошкент тиббиёт академиясида “Соғлиқни сақлашни бошқариш ва жамоат соғлиғини сақлаш” мутахассислиги буйича магистратурада таҳсил олган. 2018 йилдан буён Тошкент тиббиёт академияси Жамоат соғлиғини сақлаш мактабида ассистент лавозимида ишлаб келмоқда. Ҳозирги кунда “Эркаклар бепуштлигини олдини олишнинг бирламчи ва иккиламчи профилактик чора-тадбирларини такомиллаштириш” мавзусида таянч докторант сифатида илмий иш олиб бормоқда.
Абдурахимов Бобиржон Абдунаби ўғли 1991 йилда Тошкент вилояти Пискент туманида туғилган. 2007-2010 йилларда Тошкент педиатрия тиббиёт институти қошидаги 2-сон академик литцей тамомлаган. 2011-2017 йилларда Тошкент тиббиёт академияси тиббий-профилактика иши йўналишида таълим олган. 2017 йилнинг июн-август ойларида Пискент тумани ДСЭНМ коммунал гигиенаси бўлинмасида санитар-врач лавозимида ишлаган. 2017-2019 йилларда Тошкент тиббиёт академиясида “Соғлиқни сақлашни бошқариш ва жамоат соғлиғини сақлаш” мутахассислиги буйича магистратурада таҳсил олган. 2019 йилдан буён Тошкент тиббиёт академияси Жамоат соғлиғини сақлаш мактабида ассистент лавозимида ишлаб келмоқда. Ҳозирги кунда “Тоғ-кон саноати ишчиларининг саломатлиги ва хавф омилларини бошқаришга тизимли ёндашув” мавзусида мустақил изланувчи сифатида илмий иш олиб бормоқда.
Raxmatullayeva Mardonaxon Qahramon qizi 1994-yilda Toshkent vilolyatida tugʻilgan.
2015-yilda Toshkent Pediatriya Tibbiyot Instituti Oliy maʼlumotli hamshira fakultetiga davlat granti asosida oʻqishga qabul qilingan. 2017-yilda bakalavriatni tamomlab, shu yili Toshkent tibbiyot akademiyasi jamoat salomatligi va sogʻlikni saqlashni boshqarish magistratura yoʻnalishiga qabul qilingan. Talabalik paytlarida faol va o‘qishga qiziqishi, tashkilotchiligi va jamoat ishlarida liderligi bilan ajralib turgan. Jamoat sogʻligʻini saqlash maktabida va ilmiy raxbarlar tomonidan berilgan topshiriqlarni oʻz vaqtida bajarib kelgan. 2023-yil 4-yanvarda Toshkent tibbiyot akademiyasiga 14.00.23-“Hamshiralik ishini tashkil etish” ixtisosligi boʻyicha tayanch doktoranturaga qabul qilindi. Xozirda “ Bir yoshgacha bolalar salomatligini yaxshilash, monitoringini olib borishda patronaj xizmatini raqamlashtirish ” mavzusi boʻyicha falsafa doktori (PhD) ilmiy darajasini olish ilmiy izlanishlar olib bormoqda. Ilmiy rahbar- Jamoat sog‘lig‘ini saqlash maktabi direktori t.f.d., professor Mamatqulov Bahromjon Mamatqulovich. Mehnat staji 4 yil. Dissertasiya mavzusi boʻyicha 10 dan ortiq maqola va tezislar chop etilgan.
Dadaboyeva Guzal Akbarjonovna 1989-yilda Toshkent viloyati Bo‘stonliq tumani, Xo‘jakent qishlog‘ida tugʻilgan.
2020-2025-yillarda Toshkent davlat tibbiyot akademiyasining O‘zbek va xorijiy tillar kafedrasida assistent lavozimida ishlagan. 2018-2020 yillarda Toshkent Davlat Mirzo Ulug‘bek nomidagi Milliy universitet xorijiy filologiya kafulteti magistr talabasi. 2023-2025 yillarda Toshkent xalqaro Westminster universiteti, Jamoat salomatligi yo‘nalishi magistr talabasi.
2025-yil, sentabr oyidan Toshkent Davlat tibbiyot universitetining “Jamoat sog‘lig‘ini saqlash maktabi” assistenti lavozimida ishlab kelmoqda.
Hozirgi kunda 40 ta ilmiy maqola va 10 dan ortiq tezislar, 1 ta uslubiy tavsiyanoma, 1 ta monografiya, 3 ta DGU, 1 ta BGU, 1 ta o‘quv-uslubiy tavsiyanoma” chop etgan
Раманова Дилдора Юлдашевна тиббиёт соҳасида кўп йиллик меҳнат тажрибасига эга, малакали педагог ва илмий тадқиқотчи ҳисобланади. У ўз фаолияти давомида ҳамширалик ишини ташкил этиш, жамоат саломатлигини сақлаш ва тиббий таълимни такомиллаштириш соҳаларида самарали меҳнат қилиб келмоқда.
Раманова Д.Ю. 1999–2002 йилларда 1-Тошкент давлат тиббиёт институти олий маълумотли ҳамшира факультетида таҳсил олиб, меҳнат фаолиятини 2002 йилдан бошлаган. Дастлаб “Тиббиётда маркетинг ва менежмент” кафедрасида стажёр-ўқитувчи, кейинчалик ассистент сифатида педагогик тажрибасини изчил равишда ривожлантирган. Педагог сифатида у замонавий таълим технологияларини қўллаш, ўқув дастурлари ва электрон таълим модулларини ишлаб чиқиш, ўқув жараёни самарадорлигини оширишга қаратилган методик ишларда фаол иштирок этади. Таълим жараёнида талабалар билан ишлашда масъулиятли, талабчан ва адолатли муносабати билан ажралиб туради.
2007–2009 йилларда Биринчи Республика тиббиёт коллежи “Ҳамширалик иши” кафедрасида ўқитувчи бўлиб фаолият юритган. 2010–2012 йилларда Тошкент тиббиёт академиясининг Жамоат соғлиғини сақлаш мактабида “Ҳамширалик ишини ташкил этиш ва бошқариш” мутахассислиги бўйича магистратурани тамомлаб, соҳа бўйича илмий ва педагогик фаолиятини янада мустаҳкамлаган. Кейинчалик Республика ўрта тиббиёт ва фармацевтика ходимлари малакасини ошириш ва уларни ихтисослаштириш марказида услубчи ва ўқитувчи сифатида ишлаб, 2016 йилда Жамоат соғлиғини сақлаш мактабида хона-мудири, 2017 йилдан ассистент лавозимида фаолият юритган. 2020 йилдан Тошкент давлат стоматология институтида “Ўрта тиббий ходимлар малакасини ошириш” кафедраси ассистенти сифатида иш фаолиятини давом этирган. таълим жараёни учун фан дастурлари ва ўқув-услубий қўлланмалар ишлаб чиққан.
Жамғарма Васийлик кенгашининг 2019 йил 7 май 9- баёни қарорига мувофиқ стипендия танловида Малака ошириш таълим дастури бўйича ғолиб деб топилган. 2022 йилда Тошкент тиббиёт академияси педагог кадрларни қайта тайёрлаш ва малакасини ошириш тармоқ марказида малака ошириш курсни муваффақиятли тамомлаб, замонавий ахборот-коммуникация технологияларини таълим жараёнига жорий этиш бўйича малакасини янада оширган.
Раманова Д.Ю. 2026 йилдан Тошкент давлат тиббиёт университети Жамоат соғлиғини сақлаш мактабида ассистент лавозимида фаолият юритиб келаяпти. У 2021 йилдан бошлаб мустақил изланувчи сифатида PhD диссертацияси устида илмий тадқиқот олиб бормоқда. У 30 дан ортиқ илмий мақола ва тезислар шунингдек, услубий тавсияномалар муаллифи бўлиб, илмий фаолияти ҳамширалик ишини ташкил этиш, тиббий ходимларда касбий стресс ва эмоционал толиқиш синдромини ўрганиш, унинг профилактикаси ва психогигиеник ёндашувларни ишлаб чиқишга бағишланган.
Касбий фаолияти давомида ташаббускорлиги, масъулиятлилиги, юқори ташкилотчилик қобилияти ва илмий таҳлилга мойиллиги билан жамоада ҳурмат қозонган. Ўз вазифаларига виждонан ёндашади, хизмат интизомига қатъий риоя қилади ва доимий равишда ўз малакасини ошириб келмоқда.
Otajonov Ilxom Otaboyevich 1982 yil 18-fevralda Xorazm viloyati Shovot tumanida tugʻilgan. 1999-yili Shovot tumanidagi ixtisoslashtirilgan maktab-internatni tugatgan. 2000-2006-yillarda Toshkent tibbiyot akademiyasi tibbiy-profilaktika fakultetini bitirgan. 2006-2008 yillarda Toshkent tibbiyot akademiyasida Ovqatlanish gigiyenasi bo‘yicha magistraturasida tahsil olgan. 2009–2012 yillarda Toshkent tibbiyot akademiyasi Bolalar, o‘smirlar va ovqatlanish gigienasi kafedrasi aspiranturasida tahsil olgan. Mehnat faoliyatini 2012 yildan Toshkent tibbiyot akademiyasi Bolalar, o‘smirlar va ovqatlanish gigienasi kafedrasi assistenti sifatida boshlagan. 2012–2017 yillar davomida Toshkent tibbiyot akademiyasida “Kamolot” yoshlar ijtimoiy harakatining boshlang‘ich tashkiloti yetakchisi sifatida faoliyat yuritgan. 2019-2021 yillarda Toshkent tibbiyot akademiyasi doktoranti, shu jumladan Tibbiy-profilaktika va jamoat salomatligi fakulteti dekani o‘rinbosari lavozimida faoliyat yuritgan.
2021-2022 yillarda Toshkent tibbiyot akademiyasi, Bolalar, o‘smirlar va ovqatlanish gigienasi kafedrasi assistenti, shu jumladan tibbiy-profilaktika va jamoat salomatligi fakulteti dekani o‘rinbosari sifatida faoliyatini davom ettirgna. 2022-2023 yillarda Toshkent tibbiyot akademiyasi Marketing va talabalar amaliyoti bo‘limi boshlig‘i, 2023-2025 yillarda 1-son davolash fakulteti dekani bo‘lib ishlagan. 2025 yil 1-iyuldan Toshkent davlat tibbiyot universiteti 1-davolash fakulteti dekani, shu bilan birga Jamoat sog‘lig‘ini saqlash maktabida dotsent lavozimida faoliyat yuritib kelmoqda.
Hozirgi kunda “Nauchnoe obosnovanie professionalnыx i organizatsionnыx form deyatelnosti meditsinskix sester obщey praktiki v semeynыx poliklinikax” mavzusida doktorlik dissertatsiyasi ustida ilmiy ish olib bormoqda. Shuningdek, 15 ta ilmiy maqola tayyorlanib, shundan 6 tasi yaqin xorijda nashr etilgan.
Ilmiy-pedagogik faoliyati davomida 147ta, shu jumladan uzoq xorijda 37ta ilmiy ishlar chop etilgan. Respublikamizda nufuzli ilmiy jurnallarda 27ta maqola bosmadan chiqqan. 10ta oʻquv-uslubiy qoʻllanmalar, 2 ta darslik, 4 ta o`quv qoʻllanma, 1 BGU, 4 DGU va 2 monografiya nashr etilgan.
2011 yilda “Hozirgi taraqqiyot davrida talabalar ovqatlanishini gigienik asoslash” mavzusida nomzodlik dissertatsiyasini, 2021 yilda esa “Surunkali buyrak kasalligi bo‘lgan bemorlar uchun kam oqsilli parhezni tibbiy-biologik asoslash” mavzusida doktorlik dissertatsiyasini muvaffaqiyatli himoya qilgan.
Ilmiy tadqiqotlari yuzasidan 120 dan ortiq ilmiy va ilmiy-ommabop ishlari nashr etilgan. Jumladan: 60 ta ilmiy maqola, 1 ta darslik, 1 ta o‘quv qo‘llanma, 4 ta monografiya, 10 ta uslubiy qo‘llanma, 1 ta patent, 2 ta yangi oziq-ovqat mahsuloti uchun texnik shartlar va 50 dan ortiq ilmiy-ommabop maqolalar chop etilgan.
Ilxom Otajonov rahbarligida 2 nafar fan nomzodi dissertatsiyasi himoya qilingan. Hozirgi kunda u 1 nafar Doctor of Science va 5 nafar PhD tadqiqotchisi hamda magistrantlarga ilmiy rahbarlik qilmoqda. Shuningdek, u iqtidorli talabalar bilan samarali ish olib borib, uning rahbarligida 1 nafar Prezident granti hamda Ibn Sino davlat stipendiyasi sohibi tayyorlangan, shuningdek bir qator talabalar xalqaro va respublika olimpiadalarida g‘olib bo‘lgan.
Oʻzbekiston Respublikasi Sogʻliqni saqlash vazirligi Ovqatlanish gigienasi bo‘yicha Sog‘liqni saqlash vazirligi SD koordinatori, O‘zbekiston nutritsiologlar assotsiatsiyasi direktori, FAO tashkilotining milliy maslahatchisi hisoblanadi.
